പ്രണയം
നിന്റെ പ്രണയത്തിനു
ഒരു കടല് ആഴം
നീന്തിത്തുടിച്ചു നില മറക്കണ്ടാന്നു
ആഴം കുടിച്ച തിരകള്
കരയ്ക്കും കടലിനു മിടയില്
പ്രണയത്തിലേക്ക് കണ്ണുനട്ട്
ഒരുപകല് .
വിലപ്പെട്ടതെന്നു ഇളം കാറ്റ്
വിലക്കപ്പെട്ടതെന്നു കൊടുംകാറ്റു
ഇവള്ക്ക് എന്തിന്റെ കേടെന്നു
അടുക്കള മുറ്റത്തെ കറിവേപ്പിലകള്
അടച്ചുവച്ചു
ഒളിച്ചുവച്ചു
ഇടക്കെടുത്ത് തൊട്ടുതലോടി
ഇരുളും വെളിച്ചവും
കടക്കാത്തിടത്തു എന്ഗാനമെന്നു
ഇടക്കെത്താറുള്ള മൈന പെണ്ണ്
ഇടം കണ്ണില് ഇരുട്ടും
വലം കണ്ണില് വെട്ടവും
ഇടയ്ക്കു എന്ഗാന്നെന്റെ പ്രണയം വക്കുക ....
പാറ്റിപെറുക്കിയ സ്വപ്നങ്ങള്ക്ക്
പതിരോളം ഭാരം
പാറി പോയതൊക്കെ
വിത്തായിരുന്നെന്നു
പാറ്റിതളര്ന്ന പഴമുറ തേങ്ങല്
നിന്റെ പ്രണയത്തിനു
അനന്തനീലിമ .
കണ്ണില്ലാതെ
കണ്ണടയില്ലാതെ
കാഴ്ച മറഞ്ഞ കാശിത്തുംബക്ക്
ആകാശം മുട്ടെ കുശുമ്പ്
ആകാശത്തിനും കടലിനുമിടയില്
കരയുടെ പ്രനയവേദന ...
ആഴം താണ്ടാനാവാതെ ,
നീലിമ കാണാനാവാതെ ,
നിലത്തു മിഴിനട്ടു
മാനത്തു കാല് നട്ട്,
പാഴ് മണങ്ങള് പുതച്ചു
കുലീനത ഉടുത്തു
കുടിലതകള് മറച്ചു
അങ്ങനെ അങ്ങനെ ....
നിലമറന്ന് ,നിലം മറന്നു
നീലനിറം മാഞ്ഞതരിഞ്ഞു
ആകാശം അളന്നു ,ആഴം തെളിഞ്ഞു
കറുകറുത്ത പ്രളയവിശേഷം.
നിന്റെ പ്രണയത്തിനു ഒരുകടലാഴം
ആകാശത്തിന്റെ അനന്തനീലിമയുമ് .
ഇന്നലെ നീ വന്നുവെന്ന്
വച്ചുപോയ ഇണ ത്തൂവല്
.നിന്റെ പെണ്ണ് ഇട്ട മുട്ടകള് ഒക്കെയും
പൊട്ടി വിരിഞ്ഞെന്നു ഷസ്സിന്റെ കത്ത്
പൊട്ടാന് മടിച്ചത്
കൊത്തി യുടച്ചത്
കാലം കരുതിയ കാക്ക കുറുമ്പുകള്
എന്റെതെന്റെത്
നിന്റെതെന്റെത്
കാലത്തിന്റെ തിരുത്തിഎഴുത്തുകള്
കൂട് മാറിയിട്ട മുട്ടകള്
കൂറ് മാറ്റത്തിന്റെ ശീലുകല്
നമുക്കില്ലാത്ത ഏക ലോകത്തില്
ഇണങ്ങി യിടഞ്ഞു
ഇമാപൂട്ടാതൊരു പ്രണയക്കടലില്
നീലാകാശചേല് കെടുത്തി ,
കണ്ടകിനാവുകള് കൊത്തിയുടച്ചു ,
നമ്മളുറങ്ങും കനലാവുക
കാണാ ക്കാലവുമാവുക .......written by santha thulasidharan
